ლია ახალაძე
ლია ახალაძე დაიბადა 1966 წელს. 1992 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის ისტორია-იურიდიული ფაკულტეტი ისტორიის სპეციალობით. 1996 წელს ივანე ჯავახიშვილის სახელობის თბილისის სახელმწიფო უნივერსიტეტის ასპირანტურა. 1998 წელს დაიცვა საკანდიდატო დისერტაცია თემაზე: "ქართული ეპიგრაფიკული ძეგლები აფხაზეთში IX-XVII საუკუნეები" და მიენიჭა ისტორიის მეცნიერებათა კანდიდატის სამეცნიერო ხარისხი. 2007 წლიდან არის ისტორიის აკადემიური დოქტორი. მუშაობს სოხუმის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის მიმართულების ასოცირებულ პროფესორად. არის 2 მონოგრაფიის, 2 მეთოდური სახელმძღვანელოსა და 60-მდე სამეცნიერო პუბლიკაციის ავტორი.
სამეცნიერო ინტერესების სფერო: წყაროთმცოდნეობა, ეპიგრაფიკა, პალეოგრაფია, შუა საუკუნეების საქართველოს ისტორია, ისტორიის სწავლების პრობლემები თანამედროვე ეტაპზე.